काठमाडौं । अमेरिका र चीनबीच सम्भावित व्यापार सम्झौताको ढाँचामा सहमति भएको छ।
यस विषयमा यसै हप्ता दुई देशका नेताबीच हुने बैठकमा छलफल गरिने छ।
यो जानकारी अमेरिकी कोष सचिव स्कट बेसान्टले दिएका हुन्।
बेसान्टले सीबीएसलाई बताएअनुसार यसमा टिकटकको अमेरिकी सञ्चालनमा अन्तिम सम्झौता र दुर्लभ पृथ्वी खनिजमा नयाँ नियन्त्रण स्थगन गर्ने चीनको निर्णय छ।
उनले थपे, अमेरिकी राष्ट्रपति डोनाल्ड ट्रम्पले चिनियाँ सामानमा प्रस्ताव गरेको १०० प्रतिशत थप कर लागु हुने सम्भावना छैन। यसैबीच चीनले अमेरिकाबाट ठूलो मात्रामा भटमास खरिद पुनः सुरु गर्नेछ।
दुवै देशले विश्वका दुई ठूला अर्थतन्त्रबीच चलिरहेको व्यापार युद्ध अझ बढ्नबाट रोक्न प्रयास गरिरहेका छन्।
राष्ट्रपति ट्रम्प एसियाको एक हप्ता लामो भ्रमणमा छन्। यस क्रममा उनले दक्षिण कोरियामा चीनका राष्ट्रपति सी चिनफिङसँग भेट गर्नेछन्।
